საქართველოს მთავრობის 2019 წლის 18 იანვრის განკარგულების საფუძველზე,  რეგიონული განვითარებისა და ინფრასტრუქტურის სამინისტროს მიერ, მესტიის მუნიციპალიტეტის საჯარო სკოლების ინფრასტრუქტურის სარეაბილიტაციო სამუშაოების დელეგირებული უფლებამოსილების განხორციელების მიზნით, გამოყოფილ იქნა 310 000 ლარი.  

პროექტის ფარგლებში  მესტიის მუნიციპალიტეტის ლენჯერის, ლატალის, მულახის და კალას ადმინისტრაციულ ერთეულებში,  საჯარო სკოლებს სარეაბილიტაციო სამუშაოები ჩაუტარდებათ.

სარეაბილიტაციო სამუშაოები ითვალისწინებს:

✔ ლენჯერის ადმინისტრაციული ერთეულის #2  საჯარო სკოლის სახურავის სრული რეაბილიტაცია (77 750 ლარი);

✔ ლატალის ადმინისტრაციული ერთეულის საჯარო სკოლის სველი წერტილების და გამწმენდი ნაგებობის (სეპტიკის) მოწყობა (42 693.90 ლარი);

✔ მულახის ადმინისტრაციულ ერთეულში მუჟალის საჯარო სკოლის სველი წერტილების და საკანალიზაციო სისტემის მოწყობა (101 620 ლარი).

✔ კალის ადმინისტრაციული ერთეულის საჯარო სკოლის სახურავის სრული რეაბილიტაცია (49 040).

ამ ეტაპზე უკვე მიმდინარეობს ლენჯერისა და ლატალის საჯარო სკოლების   სარეაბილიტაციო სამუშაოები, მულახისა და კალას საჯარო სკოლის რეაბილიტაცია უახლოეს დღეებში დაიწყება.

დარჩენილი თანხა დაიხარჯება სკოლების რეაბილიტაციის პროექტირებებზე.